Azərbaycanı təmsil edəcək idmançıların sayı açıqlandı

Azərbaycanı təmsil edəcək idmançıların sayı açıqlandı

III MDB Oyunlarında Azərbaycanı 23 idman növündə 340 idmançı təmsil edəcək.

"Mediasport" xəbər verir ki, ümumilikdə nümayəndə heyətinin sayı 475 nəfər olacaq.

Ən çox Azərbaycan idmançısı cüdo və qılıncoynatmada - hər birində 32 nəfər olmaqla iştirak edəcək.

Taekvondo və voleybol növlərində isə 28 idmançı mübarizə aparacaq.

Azərbaycanlı idmançılar komanda idman növlərində də çıxış edəcəklər: futbol, çövkən, voleybol və 3x3 basketbol.

Bununla yanaşı, bədii gimnastikada ölkəmiz qrup hərəkətləri komandası ilə təmsil olunacaq.

Xatırladaq ki, III MDB Oyunları yeddi şəhərdə - Gəncə, Yevlax, Mingəçevir, Qəbələ, Şəki, Göygöl və Xankəndidə təşkil olunacaq.

Yarışın açılış mərasimi sentyabrın 28-də, bağlanış mərasimi isə oktyabrın 8-də Gəncə şəhər stadionunda baş tutacaq.