PFL idman jurnalistləri arasında növbəti intellektual yarış keçirdi
Peşəkar Futbol Liqası 22 İyul - Milli Mətbuat Günü münasibətilə idman jurnalistləri arasında növbəti dəfə intellektual yarış təşkil edib.
70-dən çox media nümayəndəsinin iştirak etdiyi turnir həmişəki kimi, gərgin mübarizə şəraitində keçib, maraqlı və yaddaqalan alınıb.
Yarışmada komandalara Azərbaycan Premyer Liqasının 2025/2026-cı illər mövsümündə iştirak edən 12 klubun adı verilib.
"Şamaxı" komandası çempion olub, "Sabah" ikinci, "Qarabağ" isə üçüncü yeri tutub.
Çempion kollektivə kubok və medallar təqdim edilib.
Qaliblə yanaşı, ikinci və üçüncü yerin sahibləri də pul mükafatı qazanıblar.
İlk "3-lüy"ə düşə bilməyən daha 3 komanda xüsusi qaydada seçilərək mükafatlandırılıb.
"Mediasport" Yeni il bayramı ilə əlaqədar keçirilən yarışmada olduğu kimi, bu dəfə də çempion komandanın heyətində təmsil olunub.
