"Dəfələrlə məğlub olmuşam və özümü normal aparmışam"
"Araz-Naxçıvan"ı təbrik edirəm. Çox vuruşdular, qalib gəlmək üçün hər şey etdilər".
"Mediasport" xəbər verir ki, bunu "Qarabağ"ın baş məşqçisi Qurban Qurbanov deyib.
Mütəxəssis Azərbaycan Kubokunun "Araz-Naxçıvan"la ilk yarımfinal görüşü haqda danışıb, 0:1 hesablı məğlubiyyəti şərh edib:
"Qarşıda cavab oyunu var. Oyun haqda çox danışılası bir şey yoxdur. Elə də keyfiyyətli oyun olmadı. Kubok matçları hər zaman çempionat oyunlarından fərqlənib. Cavab görüşünə hazırlaşacağıq. Hələ xeyli vaxtımız var.
Avrokubok oyunlarında "Qarabağ"a qarşı yanlış qərarlar verilib. Amma heç vaxt bu qədər aqressiv olmamısınız. Belə fikir yaranır ki, Qurban Qurbanov sanki yerli komandalara məğlub olmağı bacarmır...
- Yox, niyə ki? Dəfələrlə məğlub olmuşam və özümü normal aparmışam. İnsanıq da, aqressiya olur. Ola bilər ki, epizod penalti idi. Deyirlər ki, penalti kosmosdan görünməlidir. Mən də istəyirəm ki, oyun daha sürətli, dinamik getsin. Oyunda pauza həddindən çox oldu. Hakim də öz ritmini itirir. Yerli komandalara məğlubiyyəti qəbul etməməyimlə bağlı fikri qəbul etmirəm. Əksinə, çox istəyərəm ki, hər komanda "Qarabağ"a qalib gəlsin və o klubun rəhbərliyində futbola sevgi daha da çox olsun, maraq böyüsün. Biz də insanıq, ömür boyu sakit ola bilmərik.
Penalti epizodunu necə şərh edərdiniz?
- Planşetə penalti epizoduna görə vurdum. Onu da gördüz, gözdən qaçırmadız. Nəisə.
