İkiqat Azərbaycan çempionu aşağı liqaya yuvarlandı! - RƏSMİ
Azərbaycan 1-ci liqasında 26-cı turun oyunlarına yekun vurulub.
"Mediasport" xəbər verir ki, dramatik görüşlərdən sonra yarışın iki dəfə qalibi olmuş "Qaradağ Lökbatan"ın çempionatdan 2-ci Liqaya düşəcəyi dəqiqləşib.
Əgər lökbatanlılar son turda qalib gəlsə belə, 26 xala malik ən yaxın rəqibləri "Cəbrayıl" və "Difai"ni üstələyə bilməyəcək. Çünki reqlamentə görə, klubların xalları eyni olarsa, qələbələrin sayı əsas götürülür. "Qaradağ Lökbatan" mövsümdə 5, onun ən yaxın izləyiciləri 7 qələbə qazanıblar.
6-9-cu yerlərdə qərarlaşmış komandalardan hər biri isə son turun nəticəsinə əsasən, 2-ci Liqanın 4-cü komandası ilə pley-offda oynaya bilər.
Qeyd edək ki, "Qəbələ" çempionluğunu bir neçə həftə əvvəl rəsmiləşdirib.
Qarşıdakı son turun nəticələrindən asılı olmayaraq, "Qəbələ", "İmişli" və "Karvan" Premyer Liqaya lisenziya əldə ediblər.
Azərbaycan 1-ci Liqası. 26-cı tur
15 may (cümə axşamı)
“Qəbələ” – “Zaqatala” 4:0
Hakimlər: Emin Əliyev, Orxan İbişov, Rizvan Süleymanov, Nəriman Ağayev
Qəbələ şəhər stadionu
16 may (cümə)
“Difai” – “Cəbrayıl” 1:1
Hakimlər: Rəşad Əhmədov, Eyyub İbrahimov, Teymur Teymurov, İslam Məmmədov
Şamaxı OİK stadionu
“İmişli” – “Baku Sporting” 0:0
Hakimlər: Rövşən Rəcəbov, Aydın Baxşıyev, Zakir Şükürzadə, Sənan Bayramzadə
Heydər Əliyev adına İmişli şəhər stadionu
MOİK – “Mingəçevir” 1:3
Hakimlər: Alik Yunusov, Vüqar Bayramov, Anar Bədəlov, Şamil İmanzadə
Binə qəsəbə stadionu
“Karvan” – “Qaradağ Lökbatan” 2:2
Hakimlər: Mahmud Bağırzadə, Nurlan Əhmədzadə, Rasim Axundov, Ruslan Quliyev
Yevlax şəhər stadionu
