Dünya çempionatı: Millimiz Andorra yığması ilə qarşılaşır
Qadın futbolçulardan ibarət Azərbaycan milli komandası bu gün DÇ-2027-nin seçmə mərhələsində növbəti oyununu keçirəcək.
"Mediasport" xəbər verir ki, Siyasət Əsgərovun baş məşqçisi olduğu kollektiv 3-cü tur çərçivəsində səfərdə Andorra seçməsi ilə qarşılaşacaq.
C Liqasının 3-cü qrup görüşü Andorra la Vella şəhərindəki Milli Stadionda baş tutacaq.
Matç Bakı vaxtı ilə saat 21:00-da başlanacaq.
Xatırladaq ki, komandamız qrupda Şimali Makedoniyaya qalib gəlib (2:0), Macarıstana uduzub (0:1).
Millimizin növbəti matçı da Andorra seçməsinə qarşı olacaq. Bu duel aprelin 18-də Bakıda reallaşacaq.
