Millimizin Avropa çempionatına hazırlığı Monteneqroda baş tutacaq
Minifutbol üzrə Azərbaycan milli komandası Avropa çempionatına hazırlığı davam etdirir.
"Mediasport" xəbər verir ki, yığmamız Bakıda təşkil olunan bir həftəlik təlim-məşq toplanışını başa vurub.
Komanda Avropa çempionatına hazırlıq planı çərçivəsində Monteneqronun Herseq Novi şəhərinə yollanıb.
Millimiz burada keçiriləcək mini-turnirdə iştirak edərək hazırlıq mərhələsini yekunlaşdıracaq.
Qeyd edək ki, minifutbol üzrə Avropa çempionatı 27 may – 4 iyun tarixlərində Slovakiyanın paytaxtı Bratislavada keçiriləcək.
