Dünya və Avropa çempionu karyerasını bitirdiyini açıqladı

 Dünya və Avropa çempionu karyerasını bitirdiyini açıqladı

İspaniya milli komandasının sabiq futbolçusu Xuan Mata karyerasını başa vurub.

"Mediasport" xəbər verir ki, dünya və Avropa çempionu bununla bağlı şəxsi hesablarında paylaşım edib.

O, futbolçu karyerasını 38 yaşında tamamlayıb.

Klub karyerasında "Valensiya", "Çelsi", "Mançester Yunayted", "Qalatasaray", "Vissel Kobe", "Sidney" və "Melburn Viktori"də çıxış etmiş Mata İspaniya yığması ilə 2010-cu ildə dünya, 2012-ci ildə Avropa çempionu olub.

Veteran yarımmüdafiəçi UEFA Çempionlar Liqası ("Çelsi), UEFA Avropa Liqası ("Mançester Yunayted"), İngiltərə Liqa Kuboku, Türkiyə Super Liqası və Yaponiya Liqası çempionluğunu da qazanıb.