"Qarabağ" Çempionlar Liqasında ev oyunlarını bu stadionda keçirəcək
"Qarabağ"ın UEFA Çempionlar Liqasının liqa mərhələsində ev oyunlarını keçirəcəyi stadion dəqiqləşib.
"Mediasport" xəbər verir ki, "köhlən atlar" qitənin ən nüfuzlu klub turnirində rəqiblərini Tofiq Bəhramov adına Respublika Stadionunda qəbul edəcək.
Bu haqda UEFA-nın rəsmi saytı məlumat yayıb.
Daha öncə komandanın Bakı Olimpiya Stadionunda oynaması gözlənilirdi.
Xatırladaq ki, "Qarabağ" əsas mərhələdə ilk ev oyununu oktyabrın 1-i, saat 20:45-də "Kopenhagen"ə qarşı keçirəcək.
