Millimiz Gürcüstanla qarşılaşacaq
Bolqarıstanın paytaxtı Sofiyada cüdo üzrə yeniyetmələr arasında dünya çempionatı keçirilir.
"Mediasport" xəbər verir ki, sonuncu yarış günündə qarışıq komandalar mübarizə aparacaq.
Milli komanda 1/8 finalda Gürcüstan seçməsi ilə üz-üzə gələcək.
Qarışıq komanda yarışında 6 çəki dərəcəsində (oğlanlar: -60 kq, -81 kq, +81 kq; qızlar: -48 kq, -63 kq, +63 kq) görüşlər təşkil olunacaq.
Mübarizəyə 16 yığma (193 cüdoçu) qoşulacaq.
Azərbaycan cüdoçuları daha əvvəl fərdi yarışı iki bürünc medalla başa vurublar.
Anar Quliyev (50 kq) və Zeyd Ələsgərov (60 kq) bürünc mükafat əldə ediblər.
