Frank De Blekere Əliyar Ağayevin kobud səhvə yol verdiyini etriaf etdi
AFFA Hakimlər Komitəsinin sədri Frank De Blekere Azərbaycan Kubokunun yarımfinal mərhələsinin ilk oyunları çərçivəsində keçirilən “Araz-Naxçıvan” – “Qarabağ” (1:0) və “Neftçi” – “Sabah” (1:2) görüşlərindəki mübahisəli epizodları şərh edib.
“Mediasport” xəbər verir ki, belçikalı funksioner əvvəlcə “Qarabağ”ın qapısına təyin edilən penalti haqda danışıb:
“Araz-Naxçıvan” – “Qarabağ” görüşündə meydan sahiblərinin yerinə yetirdiyi künc zərbəsi zamanı top yaxın dirəyə tərəf ötürülür. Bu komandanın 17 nömrəli futbolçusu (İssuf Paro) sağ ayağı ilə topla oynayır. Onun arxasında olan “Qarabağ”ın 7 nömrəli oyunçusu (Yassin Benzia) topa toxunmadan “Araz-Naxçıvan”ın üzvünün sağ ayağına zərbə vurur. Baş hakim oyunu davam etdirir. VAR müdaxilə edərək, baş hakimi epizodu izləməyə dəvət edir. Təkrar görüntülərə baxdıqdan sonra hakim “Araz-Naxçıvan”ın lehinə penalti təyin edir. Hakimin penalti qərarı doğrudur.
O, "Neftçi" ilə oyunda “Sabah”ın verilməyən penaltisində isə hakimin qərarının yalnış olduğunu qeyd edib:
“Sabah”ın futbolçusu Tellur Mütəllimov cərimə meydanında “Neftçi”nin oyunçusu Ağadadaş Salyanskinin ayağına arxadan zərbə endirdi. Hakimin penalti qərarını dəstəkləyirik.
“Sabah”ın hücumu zamanı isə top bu komandanın hücumçusu Coy Lens Mikelsə çatır. O, cərimə meydanı daxilində qapı xəttinə doğru hərəkət edir və topa zərbə vurur. Hücumçu topu vurduqdan sonra “Neftçi”nin müdafiəçisi Yuri Matias gecikərək onun ayağına təmas edir. Hakim oyunu davam etdirir və “Sabah”ın xeyrinə künc zərbəsi təyin edir. Hücumçunun ayağına təmas aşkar şəkildə görünür. Buna görə də biz penalti və VAR müdaxiləsini gözləyirdik”.
