"Liverpul"un ulduz futbolçusu "Qarabağ"a qarşı oynamayacaq
Gələn ay UEFA Çempionlar Lqiasında "Qarabağ"ın rəqibi olacaq “Liverpul”un hücumçusu Aleksander İsak Azərbaycan çempionu ilə matçda oynamayacaq.
"Mediasport" xəbər verir ki, isveçli forvardın yanvarın 29-da Liqa mərhələsinin 8-ci turu çərçivəsində "Enfild"də baş tutacaq dueldə "atlılar"a qarşı meydana çıxmayacağı dəqiqləşib.
O, İngiltərə Premyer Liqasının 16-cı turunda “Tottenhem”lə görüşdə ciddi zədə alıb.
MRT müayinəsinə əsasən, skandinaviyalı uzun müddət yaşıl meydanlardan kənar qalacaq.
Xatırladaq ki, “Liverpul” - “Qarabağ” qarşılaşması Bakı vaxtı ilə saat 00:00-da başlanacaq.
