U-17 Liqa və Gənclər Liqasında 2025-26 mövsümünün püşkü atılıb
AFFA-nın bayrağı altında təşkil edilən Gənclər Liqası və U-17 Liqada 2025/2026-cı illər mövsümünün püşkü atılıb.
"Mediasport" xəbər verir ki, AFFA Gənclər Liqası 12 komandanın iştirakı ilə iki mərhələdən ibarət olacaq.
Birinci mərhələ iki dövrədən ibarət dairəvi sistemlə keçiriləcək.
İkinci mərhələdə komandalar A və B qrupuna bölünəcəklər. A qrupunun qalibi ölkə çempionu olacaq.
AFFA U-17 Liqası isə 15 komandanın iştirakı ilə iki mərhələdən ibarət olacaq.
İki dövrəli birinci mərhələnin A qrupunda 7, B qrupunda 8 komanda mübarizə aparacaq.
Qruplarda ilk 4 yeri tutacaq kollektivlər ikinci mərhələdə A qrupunda çempionluq uğrunda mübarizə aparacaqlar.
Digər komandalar isə B qrupunda yarışacaqlar. İkinci mərhələ də iki dövrədən ibarət olacaq.
Hər iki liqada I turun oyunları sentyabrın 13-14-də keçiriləcək.
Gənclər Liqası. 1-ci tur
"Araz-Naxçıvan" - "Qarabağ"
"Qəbələ" - "European"
"Neftçi" - "Zirə"
"Şamaxı" - "Kəpəz"
"Sumqayıt" - "Turan Tovuz"
"Dinamo" (Bakı) - "Sabah"
U-17 Liqası. 1-ci tur
A qrupu
"Lion" - "Dinamo" (Bakı) FK
"Neftçi" - "Araz-Naxçıvan"
"Qarabağ" - "Şəfa"
B qrupu
"Kəpəz" - "Universal"
"Zirə" - "Qəbələ"
"Sabah" - "Şamaxı"
"Sumqayıt" - "European"
