Yığmamızın İslam Oyunlarında rəqibləri müəyyənləşdi - PÜŞK
"Ər Riyad 2025" İslam Həmrəyliyi Oyunlarının proqramına daxil edilən futzal yarışının püşkü atılıb.
"Mediasport" xəbər verir ki, reqlamentə əsasən iştirakçı 8 komanda hər birində 4 iştirakçı olmaqla 2 qrupa bölünüb.
Azərbaycan millisi A qrupunda Səudiyyə Ərəbistanı, Özbəkistan və Liviya ilə mübarizə aparacaq.
B qrupunda isə Mərakeş, Əfqanıstan, Tacikistan və İran yer alıblar.
Qrup mərhələsinin oyunları noyabrın 4-də, 6-da və 8-də olacaq.
İlk iki pilləni tutan millilər yarımfinala vəsiqə qazanacaq.
Bu mərhələnin görüşləri noyabrın 9-da baş tutacaq.
Qızıl, gümüş və bürünc medalçıların adları isə 2 gün sonra – noyabrın 11-də keçiriləcək oyunlardan sonra müəyyənləşəcək.
