"Zirə" ilə görüşdə ara qarışdı, "Qarabağ"ın baş məşqçisi Rəşad Sadiqova 5 oyunluq cəza verildi
AFFA İntizam Komitəsi "Qarabağ”ın U-17 komandasının baş məşqçisi Rəşad Sadiqovu cəzalandırıb.
"Mediasport" xəbər verir ki, buna gənc mütəxəssisin “Zirə” ilə matçda etdiyi hərəkətlər səbəb olub.
Sadiqov 78-ci dəqiqədə rəqibi təhqir etdiyinə görə qırmızı vərəqə ilə meydandan qovulub. HK ona 5 oyunluq cəza verib.
Qarşılaşma xoşagəlməz hadisələrlə zəngin olub. “Zirə”nin futbolçusu Musa Mustafayev 52-ci dəqiqədə hakimin qərarına etiraz etdiyinə görə ikinci sarı vərəqə ilə meydandan kənarlaşdırıldığı üçün 1 oyun cəzalanıb.
Onun komanda yoldaşı Qurban Cəlilov 79-cu dəqiqədə rəqibi təhqir etdiyinə görə qırmızı vərəqə ilə kənarlaşdırıldığı üçün 3 matçlıq diskvalifikasiya alıb.
“Qarabağ”ın futbolçusu Rəvan Teymurov qeyri idman hərəkətinə görə ikinci sarı vərəqədən qırmızı aldığı üçün 1 tur buraxacaq.
90+1-ci dəqiqədə onun komanda yoldaşı Əli Qazibəyov rəqibi təhqir etdiyinə görə qırmızı vərəqə ilə kənarlaşdırılıb. Ona 2-si şərti olmaqla 3 oyunluq cəza verilib və 3 ay sınaq müddəti təyin olunub.
Matç "Zirə"nin 2:1 hesablı qələbəsi ilə yekunlaşıb.
