"Zirə" bunu ilk dəfə etdi
Azərbaycan Premyer Liqasında daha bir mükafatçı bəlli olub.
"Mediasport" xəbər verir ki, “Qarabağ”ın ardından “Zirə” də “üçlük”də yerini təmin edib.
Buna XXXII turun “Turan Tovuz” – “Şamaxı” oyunu səbəb olub. 1:1 hesablı bərabərlikdən sonra “Zirə” mükafatlardan birini qazanıb.
Rəşad Sadıqovun yetirmələrinin 61, 4-cü olan Tovuz təmsilçisinin 49 xalı var və sonuncular qələbə sayında rəqibinə çatmaq imkanına itirib.
Bu, Bakı klubunun 4-cü mükafatıdır. 2015/16 və 2024/25 mövsümlərində gümüş, 2022/23 mövsümündə bürünc qazanan “Zirə” tarixində ilk dəfə ardıcıl iki medala sahib olub.
