"Araz-Naxçıvan" Kipr klubu ilə ilk qarşılaşmanı Bakıda keçirəcək
UEFA Avropa Konfrans Liqasında II təsnifat mərhələsinin oyunları başa çatıb.
"Mediasport" xəbər verir ki, "Araz-Naxçıvan" Yunanıstanda "Aris"lə heç-heçə edib (2:2) və adını növbəti mərhələyə yazdırıb.
Premyer Liqa klubu Bakıda keçirilən görüşdə rəqibini 2:1 hesabı ilə üstələmişdi.
Elmar Baxşıyevin komandasının 3-cü təsnifat mərhələsindəki rəqibi Kipr təmsilçisi "Omoniya" olacaq.
Komandalar arasında ilk oyun avqustun 7-də Bakıda, cavab görüşü isə ayın 14-də Nikosiyada olacaq.
UEFA Konfrans Liqası. 2-ci təsnifat mərhələsi. Cavab oyunu
"Aris" (Yunanıstan) - "Araz-Naxçıvan" (Azərbaycan) 2:2 İlk oyun - 1:2
Baş hakim: Devid Dikinson (Şotlandiya)
Saloniki, "Kleantis Vikelidis" stadionu.
