4 ölkədə keçiriləcək Avropa çempionatnın püşkü atıldı

4 ölkədə keçiriləcək Avropa çempionatnın püşkü atıldı

27 avqust-14 sentyabr aralığında 4 ölkənin - Kipr, Finlandiya, Polşa və Latviyanın birgə təşkilatçılığı ilə keçiriləcək kişi basketbolçuların Avropa çempionatında qrupların tərkibi müəyyənləşib.

"Mediasport" xəbər verir ki, final mərhələsində hər qrupda 6 milli olmaqla 24 komanda mübarizə aparacaq.

Türkiyə yığması A qrupunda yarışacaq.

Hər qrupun matçları bir ölkədə təşkil olunacaq.

Qruplarda ilk 4 yeri tutan komandalar pley-offa yüksələcəklər.


Avropa çempionatı. Final mərhələsi

A qrupu: Serbiya, Çexiya, Latviya, Türkiyə, Portuqaliya, Estoniya (ev sahibi Latviya);

B qrupu: Almaniya, Litva, Finlandiya, Monteneqro, İsveç, Böyük Britaniya (ev sahibi Finlandiya);

C qrupu: Yunanıstan, İspaniya, İtaliya, Gürcüstan, Kipr, Bosniya və Herseqovina (ev sahibi Kipr);

D qrupu: Fransa, Sloveniya, Polşa, İsrail, Belçika, İslandiya (ev sahibi Polşa).