Azərbaycan millisi Sumqayıtda Monteneqro yığması ilə üz-üzə
Azərbaycanın 21 yaşadək futbolçulardan ibarət milli komandası mayın 26-dan iyunun 9-dək təlim-məşq toplanışı keçəcək.
"Mediasport" xəbər verir ki, U-21 mayın 26-dan iyunun 2-dək Bakıda, iyunun 2-dən 6-dək Belarusun paytaxtı Minskdə, iyunun 6-dan 9-dək isə yenidən Bakıda hazırlıq prosesində olacaq.
Ayxan Abbasovun baş məşqçisi olduğu komanda bu müddətdə iki yoxlama görüşü keçirəcək.
Millimiz iyunun 4-də Minskdə Belarusun müvafiq yaş qrupundan ibarət komandası ilə qarşılaşacaq. Bu görüşün başlama vaxtı və stadionu barədə daha sonra məlumat veriləcək.
Komandamız iyunun 8-də isə Mehdi Hüseynzadə adına Sumqayıt şəhər stadionunda Monteneqronun U-21 kollektivi ilə üz-üzə gələcək.
Bu görüş saat 20:00-da başlanacaq.
