Dünya Kuboku-2026-nın final mərhələsinə çıxan ilk yığma!
Futbol üzrə Yaponiya milli komandası Dünya Kuboku-2026-nın final mərhələsinə vəsiqə qazanan ilk yığma olub.
"Mediasport" xəbər verir ki, Hajime Moriyaşunun baş məşqçisi olduğu kollektiv buna Asiya zonası üzrə seçmə qrup mərhələsində növbəti qələbəsini qazanmaqla nail olub.
"Gündoğar ölkə" futbolçuları 7-ci tur çərçivəsində Bəhreyni məğlub ediblər - 2:0.
Xal ehtiyatını 19-a çatdıran yaponlar ən yaxın izləyiciləri Avstraliyanı 9 xal qabaqlamaqla, C qrupunda seçmə matçların sonuna 3 tur qalmış vəzifənin öhdəsindən vaxtından əvvəl gəliblər.
