Şəkidə “Sheki Open” şahmat turnirinin açılış mərasimi baş tutdu
Şəkidə şahmat üzrə “Sheki Open” turnirinin açılış mərasimi baş tutub.
"Mediasport" xəbər verir ki, festivalda 8 ölkədən 300-dək şahmatçı mübarizə aparır.
Zəka sahibləri A və B qruplarında yarışırlar, turnir İsveçrə sistemi üzrə 9 turdan ibarət olmaqla keçirilir.
Yarışın mükafat fondu 23 450 manat təşkil edir. A qrupunun qalibi 5 100, B qrupunda ilk yeri tutacaq şahmatçı 1 000 manat qazanacaq.
Festival çərçivəsində həmçinin blits və rapid üzrə turnirin keçirilməsi də nəzərdə tutulub.
İyunun 24-də yekunlaşacaq festival AŞF-nin “Chess Tour Azerbaijan” layihəsi çərçivəsində reallaşıb.
