Millimizin üç güləşçisi Avropa çempionatında yarımfinala çıxdı
İtaliyanın Kaorle şəhərində güləş üzrə U-20 Avropa çempionatı start götürüb.
"Mediasport" xəbər verir ki, ilk olaraq yunan-Roma güləşçilərinin mübarizəsi başlayıb.
Azərbaycanın tatami üzərinə çıxan 5 idmançısından üçü yarımfinala vəsiqə qazanıb.
U-20 Avropa çempionatı. Yunan-Roma güləşi
55 kq
Turan Daşdəmirov gürcüstanlı Koba Karumidzeyə sonuncu (4:4), ermənistanlı Levon Qazaryana isə ilk xal prinsipinə əsasən (1:1) qalib gələrək yarımfinala yüksəlib. Turan yarımfinalda ukraynalı Nazariy Babinski ilə güləşəcək.
63 kq
Tural Əhmədov italiyalı Emanuele Pollinonu tam üstünlüklə (8:0), bolqarıstanlı Kristiyan Milenkovu 4:0 və macarıstanlı Bende Olaşı 3:1 hesabıyla məğlub edib. O, yarımfinalda yunanıstanlı Marios Kapantaislə qarşılaşacaq.
77 kq
Davud Məmmədov moldovalı Konstantin Taskaya tam üstünlüklə (11:0), türkiyəli Yusuf Tosuna isə sonuncu xal prinsipinə əsasən (3:3) qalib gələrək yarımfinala adlayıb. Davud final uğrunda ermənistanlı Samvel Terteryanla mübarizə aparacaq.
87 kq
Orxan Hacıyev təsnifat mərhələsində rumıniyalı Qabriel Stana ???????? 1:4 hesabıyla məğlub olub.
130 kq
Məzaim Mərdanov 1/4 finalda avstriyalı Leonard Yunqerə ilk xal prinsipinə əsasən (1:1) uduzub.
Qitə birinciliyi iyulun 6-da yekunlaşacaq.
