Yığmamızın Avropa Qızıl Liqası üçün yekun heyəti açıqlandı
Qadın voleybolçulardan ibarət Azərbaycan yığmasının Avropa Qızıl Liqası üçün yekun heyəti açıqlanıb.
"Mediasport" xəbər verir ki, Baş məşqçi Faiq Qarayev 14 oyunçudan ibarət heyət formalaşdırıb.
Mütəxəssisin köməkçiləri Famil Ağayev və Emin Əbilov olacaqlar.
Hücumçular: Nikalina Başnakova, Anastasiya Baydyuk, Kseniya Pavlenka, Ülkər Kərimova, Yelizaveta Burkova;
Blokçular: Aynur İmanova, Mariya Kirilyuk, Anastasiya Mertsalova;
Toppaylayıcılar: Yana Doroşenko, Raziyə Əliyeva, Valeriya Burkova;
Liberolar: Yuliya Kərimova, Bəyaz Quluyeva, Ceyran İmanova.
Qeyd edək ki, yığma ilk oyunlarını Bakıda keçirəcək. Mayın 30-da və iyunun 1-də baş tutacaq bu görüşlərdə rəqiblər Macarıstan və Sloveniya komandaları olacaq.
