Azərbaycan milli komandasının futbolçusu Serbiya nəhəngində!
17 yaşadək futbolçulardan ibarət Azərbaycan milli komandasının üzvü İslam Həsənov karyerasını Serbiyada davam etdirir.
"Mediasport" xəbər verir ki, bu ölkənin nəhəng klubu "Srvena Zvezda" bir müddətdir yığmamızın istedadlı futbolçusunu rənglərinə bağlayıb.
Keçidi sabiq "Qarabağ"lı yarımmüdafiəçi, hazırda futbol agenti olan serbiyalı Boyan İliçin vasitəsilə baş tutmuş İslam yanvardan "Srvena Zvezda"nın farm-klubu sayılan "Qrafiçar"da forma geyinməyə başlayıb.
Qeyd edək ki, Serbiya klubunda artıq 4 görüşdə oynamaq imkanı qazanmış hücumameylli oyunçu futbol camiəsinə "Qarabağ" və "Sabah"ın akademiya komandalarından tanış məşqçi Elvin Həsənovun oğludur.
