Futbolçular rəhbərliyə 3 gün vaxt verdilər - "Şəfa"da XAOS yaşanır
Premyer Liqaya qayıdışı uğursuz alınan "Şəfa"da işlər yoluna düşmək bilmir.
Geridə qalan 9 turda yalnız 1 dəfə qələbə qazanan Bakı təmsilçisi idarəetmə ilə yanaşı, maliyyə böhranı da yaşayır.
Dünənə qədər vitse-prezident Əfran İsmayılovun şəxsi obyekti kimi yanaşdığı, turnir cədvəlində son pilləni bölüşən klubdan bununla bağlı redaksiyamıza maraqlı informasiya daxil olub.
Bildirilib ki, futbolçular 3-cü aydır maaş almırlar. Komanda üzvlərinə əməkhaqlarının köçürülməməsinin səbəbi barədə məlumat verilmir.
Xüsusilə vəziyyətdən cana doyan legionerlərin rəhbərliklə görüşərək 3 gün vaxt qoyduğu deyilir:
Noyabrın 5-nə qədər azı 2 aylıq maaşlar ödənilməsə, "Şəfa"dan aidiyyəti təşkilatlara rəsmi şikayət edəcəklər.
Xatırladaq ki, bakılılar 2 aydan çoxdur rəsmi əməkdaşlıq etdikləri media qurumlarınıa olan borclarını da köçürməyiblər.
Mediasport.com.az
