Millilərimiz bu gün Yunanıstan və Ermənistanla qarşılaşacaqlar
Özbəkistanın Səmərqənd şəhərində təşkil olunan 46-cı Ümumdünya Şahmat Olimpiadası davam edir.
"Mediasport" xəbər verir ki, Azərbaycan yığmaları bu gün 7-ci tur görüşlərini keçirəcəklər.
Kişilərdən ibarət komandamız Yunanıstan, qadınlar isə Ermənistanla qarşılaşacaqlar.
Xatırladaq ki, 6 turdan sonra kişi kollektivimiz 10 xalla 12-ci, qadınlar isə 10 xalla 9-cu pillədə yer alıblar.
İsveçrə sistemi üzrə keçirilən yarış 11 turdan ibarətdir.
Sentyabrın 27-də başa çatacaq olimpiadada 208 komandanın heyətində 1032 şahmatçı mübarizə aparır.
