"Neftçi" "Kəpəz"lə görüşdə bu futbolçunu oynada bilməyəcək
Noyabrın 6-da Azərbaycan Premyer Liqasının 11-ci – “Zəfər turu”nda “Kəpəz”lə qarşılaşacaq "Neftçi" hazırlığı başa vurub.
"Mediasport" xəbər verir ki, "ağ-qaralar” bu gün “Palms Sports” Futbol Mərkəzində oyunöncəsi son məşqə çıxıblar.
Komandanın heyətində sabahkı dueli bir futbolçu buraxacaq.
“Turan Tovuz”la görüşdə qırmızı vərəqə alaraq 2 matçlıq cəzalandırılmış İqor Ribeyro qarşılaşmanı kənardan izləyəcək.
“Palms Sports Arena”da keçiriləcək matç saat 20:00-da start götürəcək.
