Azərbaycan təmsilçisi ilk dəfə avrokubokların 1/4 finalında
Azərbaycandan olan nümayəndə ilk dəfə UEFA turnirlərində 1/4 final mərhələsinin oyununa təyinat alıb.
"Mediasport" xəbər verir ki, milli assosiasiyanın vitse-prezidenti və İcraiyyə Komitəsinin üzvü Könül Mehdiyeva UEFA Konfrans Liqasında iş başında olacaq.
O, Avstriyada yerli "Rapid" və İsveçin "Yurqorden" komandaları arasında təşkil ediləcək cavab matçına UEFA nümayəndəsi kimi təyinat alıb.
Görüş aprelin 17-də Vyanada, Bakı vaxtı ilə saat 23:00-da başlanacaq.
