"Qarabağ" Çempionlar Liqasında vacib oyuna çıxır - YENİLƏNİR
Bu gün avrokuboklardakı yeganə təmsilçimiz "Qarabağ" UEFA Çempionlar Liqasının pley-off mərhələsinin cavab matçına çıxacaq.
"Mediasport" xəbər verir ki, Qurban Qurbanovun komandası qitənin nüfuzlu klub turnirinin Liqa mərhələsinə gedən yolda "Ferensvaroş"u qəbul edəcək.
Qarşılaşmanın baş hakimi məşhur FİFA referisi Kleman Türpin olacaq.
Matç saat 20:45-də start götürəcək və Tofiq Bəhramov adına Respublika stadionunda keçiriləcək.
Tərəflər arasında Macarıstanda baş tutan ilk görüş Azərbaycan çempionunun 3:1 hesablı qələbəsi ilə nəticələnib.
Xatırladaq ki, iki oyunun nəticəsinə görə, qalib gələn komanda Çempionlar Liqasının, məğlub olan Avropa Liqasının əsas mərhələsinə qatılacaq.
UEFA Çempionlar Liqası. Pley-off mərhələsi. Cavab oyunları
20:45 "Qarabağ" (Azərbaycan) - "Ferensvaroş" (Macarıstan) İlk oyun 3:1
Baş hakim: Kleman Türpin
Baş hakimin köməkçiləri: Nikolya Danos və Aleksis Auqer
Dördüncü hakim: Romen Lissorq
VAR: Jerom Brizar
AVAR: Nikolya Renvil
