Gənclər təşkilatlarının rəhbər və nümayəndələri ilə görüş keçirildi
Gənclər və idman naziri Fərid Qayıbov Gənclər və İdman Nazirliyi yanında İctimai Şuranın təşkilatçılığı ilə gənclər təşkilatlarının rəhbər və nümayəndələri ilə görüşüb.
"Mediasport" xəbər verir ki, görüşdə nazir gənclər təşkilatlarını Novruz bayramı münasibətilə təbrik edib, təşkilatların fəaliyyəti, dəstək mexanizmi, gənclər üçün imkanlar və yeni fəaliyyətlər barədə müzakirələr aparılıb.
Görüşdə nazirliyin Gənclərlə iş şöbəsinin müdiri Ramil Cabbarov, Gənclər və İdman Nazirliyi yanında İctimai Şuranın sədr müavini Ramin Həbibzadə və dördüncü “Yüksəliş” müsabiqəsinin qalibi İnsafəli Səmədov da iştirak ediblər.
