"Qarabağ"la oyuna görə REKORD - 1 gündə 8400-dən çox bilet satıldı
Noyabrın 22-də Gəncədə Azərbaycan Premyer Liqasının 12-ci turu çərçivəsində keçiriləcək "Kəpəz" - "Qarabağ" oyunu üçün bilet satışında rekord qeydə alınıb.
"Mediasport" xəbər verir ki, qarşılaşma üçün bir sutka ərzində 8400 bilet satılıb.
Bu, 15363 tamaşaçı tutumuna malik Gəncə şəhər stadionunda yerlərin təxminən 55%-i deməkdir.
Xatırladaq ki, qarşılaşma noyabrın 22-də Gəncə şəhər stadionunda saat 17:00-da start götürəcək.
Cari mövsüm "Kəpəz"in ev oyunlarında ən çox azarkeş sayı sentyabrın 4-də "Şamaxı" ilə görüşdə (15000 nəfər) qeydə alınıb.

