İtaliyada Avropa çempionatında 8 cüdoçumuz mübarizə aparacaq
30 oktyabr – 1 noyabr tarixlərində İtaliyanın Neapol şəhərində cüdo üzrə U-23 Avropa çempionatı keçiriləcək.
"Mediasport" xəbər verir ki, Azərbaycan beynəlxalq yarışda 5 çəki dərəcəsində 8 idmançı ilə təmsil olunacaq.
Cüdoçularımıza kişilərdən ibarət milli komandanın baş məşqçisi Riçard Trautman, böyük məşqçi Elxan Məmmədov və məşqçi Əbdülhəqq Rəsullu rəhbərlik edəcəklər.
Qitə turnirində 36 ölkədən 284 idmançı medallar uğrunda mübarizə aparacaq.
-60 kq
Murad Muradlı
Babarəhim Mirzəyev
-66 kq
Nizami İmranov
İslam Rəhimov
-73 kq
Əbil Yusubov
Mehdi Cəfərov
-100 kq
Əjdər Bağırov
+100 kq
Kənan Nəsibov
