Mahir Emreli oynadı, komandası səfərdə autsayderə məğlub oldu
Futbol üzrə Almaniya 2-ci Bundesliqasında 27-ci turun oyunları keçirilib.
"Mediasport" xəbər verir ki, Azərbaycan millisinin hücumçusu Mahir Emrelinin formasını geyindiyi "Nürnberq" səfərdə sonuncu pillənin sahibi "Yan Regensburq"la qarşılaşıb.
Miroslav Klozenin baş məşqçisi olduğu komanda fasiləyə üstün yollansa da, yekunda qələbəni liqadan düşmə ərəfəsində olan autsayder qazanıb - 2:1.
Mahir meydana 77-ci dəqiqədə daxil olub və heç nə ilə yadda qalmayıb.
Məğlubiyyətlə 8-ci pillədə qalan "Nürnberq" turnir cədvəlində 4 pillə irəliləmək fürsətini əldən verib.
Hesabında 41 xalı olan komanda çempionatın lideri "Köln"dən 9 xal geri qalır.
