"Sabah"la kritik matç öncəsi "Neftçi"dən azarkeşlərinə JEST
“Neftçi” Azərbaycan Kubokunun "Sabah"la sabah baş tutacaq ilk yarımfinal matçı üçün azarkeşlərinə jest edib.
Klubdan "Mediasport"a verilən məlumata görə, biletlərin qiymətində endirim edilib.
Əsasən 3, 5 və 10 manata satılan biletlərin qiyməti bu dəfə 2, 3 və 5 manata salınıb.
Azarkeşlər 20 və 30 manata olan VİP biletləri isə 15 və 20 AZN-ə əldə edə bilərlər.
Biletləri iticket.az saytından onlayn, eləcə də oyun günü "Neftçi Arena"nın kassalarından almaq mümkündür.
Qeyd edək ki, qarşılaşma saat 19:30-da start götürəcək.
