"Qarabağ" və "Zirə" ölkəmizin UEFA reytinqinə növbəti xalları yazdırdı
Avrokuboklarda mübarizəyə başlayan “Qarabağ” və “Zirə” yeni mövsümdə Azərbaycanın UEFA reytinqinə xallar gətirib.
"Mediasport" xəbər verir ki, Çempionlar Liqasının 2-ci təsnifat mərhələsinin ilk oyununda İrlandiyanın “Şelburn” klubuna (3:0) səfərdə qalib gələn Ağdam təmsilçisi ölkəmizin hesabına 0,250 xal yazdırıb.
Rəşad Sadıqovun rəhbərlik etdiyi “qartallar” isə Konfrans Liqasının 2-ci təsnifat mərhələsinin ilk oyununda Xorvatiyanın “Hayduk” klubu ilə (1:1) heç-heçəyə görə Azərbaycana 0,125 əmsal qazandırıb.
Ölkəmiz hazırda 17,625 xalla reytinq sıralamasının 29-cu pilləsində qərarlaşıb. Bolqarıstan bir pillə aşağıda (16,625), Ukrayna isə (18,225) bizdən öndədir.
