“Qəbələ” yay hazırlığı çərçivəsində 7 yoldaşlıq görüşü keçirəcək
Yenidən Premyer Liqada çıxış edəcək “Qəbələ”nin yay hazırlıq planı müəyyənləşib.
"Mediasport" xəbər verir ki, komandanın təlim-məşq toplanışı iyunun 30-da Qəbələdə start götürəcək.
Hazırlıq prosesinin ilk mərhələsi 14 gün davam edəcək.
Bu müddət ərzində 2 yoxlama oyunu planlaşdırılıb. Hazırlıq matçları iyunun 6-da və 14-də baş tutacaq. İkinci yoxlama oyunu “Şamaxı”ya qarşı keçiriləcək.
Təlim-məşq toplanışının ikinci mərhələsinə iyunun 14-də start veriləcək. Avqustun 8-dək Qəbələdə davam edəcək hazırlıq dövründə daha 5 oyunun keçirilməsi planlaşdırılır.
Rəqiblər və matçların vaxtı hələlik məlum deyil.
