Ramil Şeydayev Rusiya klubunda debütünü qələbə ilə qeyd etdi
Azərbaycan millisinin futbolçusu Ramil Şeydayev Rusiyanın "Soçi" klubunun heyətində debüt edib.
"Mediasport" xəbər verir ki, 34 yaşlı hücumçu 1-ci Liqanın 6-cı turu çərçivəsində "Volqa"ya qarşı forma geyinib.
Görüş Şeydayevin komandasının minimal hesablı qələbəsi ilə yekunlaşıb - 1:0.
Ramil meydana 60-cı dəqiqədə daxil olub.
Xal ehtiyatını 10-a çatdıran "Soçi" 5-ci pillədə qərarlaşıb.
