Sabiq "Neftçi"li "Xankəndi"də baş məşqçinin köməkçisi təyin edildi
2-ci Liqada yeni mövsümün startına hazırlaşan "Xankəndi"nin məşqçilər korpusunda yeni təyinat reallaşıb.
"Mediasport" xəbər verir ki, baş məşqçinin köməkçisi vəzifəsinə "C" kateqoriyalı mütəxəssis Ceyhun Cavadov gətirilib.
Cavadov hazırda "Şəfa" klubunun U-16 komandasının baş məşqçisi kimi çalışır.
O, bundan əvvəl 2 il müddətində "Səbail"in U-17 komandasını çalışdırıb.
Ceyhun Cavadov karyerası ərzində "Neftçi", "Abşeron", "Rəvan", "Sumqayıt", "Kəpəz", "Füzuli", "Şəfa"nın formasını geyinib.
