"Qarabağ" və "Sabah"ın keçmiş baş məşqçisi bölgə klubunda
Futbol üzrə Azərbaycan 2-ci Liqasında çıxış edən "Hypers Guba"nın yeni baş məşqçisi müəyyənləşib.
"Mediasport" xəbər verir ki, şimal təmsilçisini Elvin Həsənov çalışdıracaq.
A kateqoriyalı mütəxəssislə "6 ay+1 il" şərti ilə müqavilə bağlanıb.
Xatırladaq ki, Elvin Həsənov bunadək "Leon", "Qarabağ", "Vətən" klublarının uşaq komandalarında çalışıb.
O, "Sabah"ın U-16 komandası ilə 3 dəfə Azərbaycan çempionu olub, 2 dəfə gümüş, bir dəfə bürünc medal qazanıb.
Çempionatda geridə qalan 13 tura 25 xal toplamış şimallılar turnir cədvəlində 4-cü pillədə qərarlaşıblar və lider "Şahdağ Qusar"dan 14 xal geri qalırlar.
