Yığmamız Avropa çempionatında mübarizəni erkən dayandırdı
19 yaşadək futzalçılardan ibarət Azərbaycan millisi Avropa çempionatının əsas mərhələsinin qrupunda sonuncu oyununu keçirib.
"Mediasport" xəbər verir ki, İlqar Aslanovun çalışdırdığı yığma Türkiyə futzalçıları ilə qarşılaşıb.
Görüş rəqibin qələbəsi ilə yekunlaşıb və komandamız final mərhələsinə yüksələ bilməyib.
Qrupun matçları Xorvatiyanın Omiş şəhərindəki Ribnyak İdman Sarayında keçirilib.
Xatırladaq ki, yığmamız əvvəlki iki turda Bosniya və Herseqovinaya 2:10 hesabı məğlub olub, meydan sahibləri ilə bərabərə qalıb (3:3).
Avropa çempionatı. Əsas mərhələ. 7-ci qrup, 3-cü tur
Azərbaycan – Türkiyə 1:3
Qollar: Elgün Sadıqlı, 33:20 // Ahmet Köksal, 11:06, Ege Bilim, 17:58, Recep İnanç, 29:10.
