"Zirə" ukraynalılara uduzdu
Türkiyədə təlim-məşq toplanışında olan "Zirə" ikinci yoxlama oyununu keçirib.
"Mediasport" xəbər verir ki, Rəşad Sadıqovun rəhbərlik etidyi kollektiv "Aleksandriya" ilə üz-üzə gəlib. Matç Ukrayna təmsilçisinin 3:2 hesablı qələbəsi ilə başa çatıb.
Azərbaycan klubunun qollarını Yeqor Boqomolski (29) ilə Ceyhun Nuriyev (54) vurublar.
"Zirə" Antalyada ilk hazırlıq matçında Rumıniyanın "Çiksereda" klubu ilə 3:3 hesablı heç-heçə edib.
Komanda bu gün daha bir oyuna çıxacaq. Belə ki, qəsəbə təmsilçisi saat 18:00-da "Bohemians"la (Çexiya) görüşdə qüvvəsini sınayacaq.
