"Araz-Naxçıvan"ın yoxlama oyununun vaxtı dəyişdirildi
Hazırlığını gündə 2 məşqlə davam etdirən "Araz-Naxçıvan"ın fasilədə keçirəcəyi ilk yoxlama oyununun tarixi dəyişdirilib.
"Mediasport" xəbər verir ki, klubun əvəzedici komandası ilə qarşılaşma əvvəlcədən nəzərdə tutulduğu kimi yanvarın 9-da deyil, bir gün sonra – ayın 10-da baş tutacaq.
Görüş saat 15:30-da start götürəcək.
Komanda növbəti görüşünü isə yanvarın 14-də, saat 15:00-da "Qəbələ"yə qarşı keçirəcək.
Hər iki matç Bakı Olimpiya Stadionunun ehtiyat meydanında baş tutacaq.
