Yığmamızın Avropa çempionatı üçün yekun heyəti açıqlandı
Azərbaycanın 19 yaşadək futzalçılardan ibarət millisinin Avropa çempionatının əsas mərhələsinin oyunları üçün Xorvatiyaya yollanacaq heyəti açıqlanıb.
"Mediasport" xəbər verir ki, baş məşqçi İlqar Aslanovun rəhbərliyi altında bu gün Bakıda son məşqini keçirən yığmanın heyətinə ikisi qapıçı olmaqla 14 futzalçı dəvət edilib.
Qapıçılar: Hüseyn Abdulov, Əli Həsənzadə;
Oyunçular: Rəvan Məşiyev, Oqtay Mahmudzadə, Ədalət Ələkbərov, Hüseyn Cəfərzadə, Pünhan Qasımzadə, Nazim Hüseynov, Bəyoğlan Vəlizadə, Fariz Hüseynov, Rəvan Quliyev, Elgün Sadıqlı.
Qeyd edək ki, U-19 Avropa çempionatının əsas mərhələsində martın 26-da Bosniya və Herseqovina, ertəsi gün Xorvatiya, 29-da isə Türkiyə futzalçıları ilə qarşılaşacaq.
Qrup oyunlarını birinci pillədə bitirəcək komanda final mərhələsinə vəsiqə qazanacaq.
