Avropa Liqasında 3-cü tur: Milli komandalarımızın oyun təqvimi
Qadın və kişi voleybolçulardan ibarət Azərbaycan milli komandaları Avropa Liqasında mübarizəni davam etdirirlər.
"Mediasport" xəbər verir ki, qadınlardan ibarət yığmamız üçüncü turun oyunlarını Şimali Makedoniyanın Strumitsa şəhərində keçirəcək.
Komandamız bu mərhələdə İsrail və İsveçrə milliləri ilə qarşılaşacaq.
Kişilərdən ibarət milli komandamız isə Avropa Liqasının ilkin mərhələsinin son turunda Bakıda mübarizə aparacaq.
Yığmamız Macarıstan və Portuqaliya milliləri ilə üz-üzə gələcək.
İki turdan sonra qadın millimiz 2 qələbə ilə 6 xal toplayıb. Kişilərdən ibarət yığma komandamızın isə qələbəsi və xalı yoxdur.
Avropa Liqasında üçüncü turun oyunları 19-21 iyun tarixlərində keçiriləcək.
Avropa Liqası. 3-cü tur
Qadınların mübarizəsi
19 iyun
Azərbaycan - İsrail
20 iyun
İsveçrə - Azərbaycan
21 iyun
İsrail - İsveçrə
Kişilərin mübarizəsi
19 iyun
Macarıstan - Azərbaycan
20 iyun
Portuqaliya - Macarıstan
21 iyun
Azərbaycan - Portuqaliya
