Ayxan Abbasov Rzanı niyə oynatmamasına aydınlıq gətirdi
"Rzanı da meydana buraxmaq istəyirdik. Lakin gəlin, gerçəyi deyək: oyunun axarı başqa cür oldu".
"Mediasport" xəbər verir ki, bu sözləri Azərbaycan milli komandasının baş məşqçisi Ayxan Abbasov deyib.
Mütəxəssis San-Marino yığması ilə baş tutan yoldaşlıq matçından sonra qapıçı Rza Cəfərovu toplanışda hansı səbəbdən oynatmadığını açıqlayıb:
"O da bizi başa düşür. Çünki o anlarda qapıçı dəyişikliyinə gedə bilməzdik".
Xatırladaq ki, bu hazırlıqda Malta ilə qarşılaşmada qapıda Emil Balayev (0:2) dayanıb, San-Marino ilə görüşdə "çərçivə" Şahruddin Məhəmmədəliyevə (2:1) həvalə olunub.
