Azərbaycan çempionu heyətini braziliyalı müdafiəçi ilə gücləndirdi
UEFA Çempionlar Liqasına hazırlaşan “Araz-Naxçıvan” futzal klubu heyətinə daha bir legioner qatıb.
"Mediasport" xəbər verir ki, Azərbaycan çempionu Aleksanderson Teyşera Barbosa ilə anlaşıb.
Son klubu Qazaxıstanda "Jetısu" olmuş "sambaçı" ilə 1 illik müqavilə imzalanıb.
Qeyd edək ki, təmsilçimiz ÇL-in ilkin mərhələsində F qrupunda yer alacaq.
Naxçıvan klubu avqustun 27-də Şimali İrlandiyanın “Sparta Belfast”, ertəsi gün Şotlandiyanın “PYF Saltires”, avqustun 30-da isə Avstriyanın “Lyuti Krajişniçi” komandaları ilə qarşılaşacaq.
Qrupun oyunları Avstriyada keçiriləcək və yalnız qrup qalibi əsas mərhələyə yüksələcək.
