Azərbaycan yığma komandası səfərdə Bolqarıstan millisinə qarşı
Azərbaycanın qadın basketbolçulardan ibarət milli komandası bu gün AVRO-2027-nin seçmə mərhələsi çərçivəsində növbəti oyununu keçirəcək.
"Mediasport" xəbər verir ki, Evren Alkayanın baş məşqçisi olduğu kollektiv 4-cü tur görüşündə Bolqarıstan yığması ilə qarşılaşacaq.
Plovdiv şəhərindəki "Kolodrum Arena"da təşkil olunacaq duel Bakı vaxtilə saat 21:00-da start götürəcək.
Xatırladaq ki, E qrupunda bunadək Bolqarıstan (48:141), Monteneqro (62:104) və Ukraynaya (34:98) məğlub olan basketbolçularımız 3 xalla sonuncu pillədə qərarlaşıblar.
Qitə çempionatının final mərhələsi Belçika, İsveç, Finlandiya və Litvada təşkil ediləcək.
1. Bolqarıstan 3 3 0+117 6
2. Ukrayna 3 2 1+50 5
3. Monteneqro 3 1 2+32 4
4. Azərbaycan 3 0 3-199 3
