"Heç vaxt bu qədər zəif Azərbaycan millisi görməmişdim" - Qurbanov
“Azərbaycanın Haiti və Belarus millisinə qarşı oyunlarını izlədim. Heç vaxt bu qədər zəif Azərbaycan millisi görməmişdim. Məğlubiyyət hər zaman mümkündür. Amma kimə gəldi uduzmaq olmaz”.
"Mediasport" xəbər verir ki, bu sözləri "Sportal"a açıqlamasında Azərbaycan millisinin sabiq futbolçusu Məhəmməd Qurbanov deyib.
Hazırda Rusiyada “Rostov”un futbol akademiyasında çalışan sabiq yığma üzvü komandamızda lider çatışmazlığını qabardıb:
“Millidə keyfiyyətli oyunçu çatışmazlığı var. Lider çatışmazlığı da həmçinin. Doğrudur, Şahruddin Məhəmmədəliyev və Bədavi Hüseynov var. Amma bu qədərdir. Baş məşqçi də günahkardır. Çünki hazır olmayan futbolçuları dəvət etmişdi”.
Qeyd edək ki, Ukraynanın Luqansk vilayətində anadan olmuş və əslən dağıstanlı Qurbanov 2015-ci ildə Azərbaycanın A milli komandasında 3 oyun keçirib.
