"Kopenhagen"in 4 futbolçusu "Qarabağ"a qarşı oynamayacaq
Sabah UEFA Çempionlar Liqasının əsas mərhələsinin ikinci turu çərçivəsində Bakıda "Qarabağ"ın qonağı olacaq “Kopenhagen” meydana itkilərlə çıxacaq.
"Mediasport" xəbər verir ki, Danimarka çempionunun 4 futbolçusu Ağdam təmsilçisi ilə dueldə forma geyinməyəcək.
Skandinavların heyətində Oliver Heyer, Yonatan Moalem, Maqnus Mattsson və Andreas Kornelius görüşü kənardan izləyəcək.
Tofiq Bəhramov adına Respublika stadionunda keçiriləcək oyun saat 20:45-də start götürəcək.
