Mükafatçılar ilkə imza atdılar
Azərbaycan 2-ci Liqada 2025/2026 mövsümünün mükafatçıları müəyyənləşib.
"Mediasport" xəbər verir ki, "Xankəndi" qızıl, "Qaradağ Lökbatan" gümüş, "Quba" bürünc medal qazanıb.
Hər üç komanda tarixində ilk dəfə mükafatçılar sırasına düşüb.
2023-cü ildə bərpa olunan 2-ci Liqa ardıcıl 3-cü dəfə Peşəkar Futbol Liqasının bayrağı altında təşkil olunub.
Baş tutan üç mövsüm ərzində yalnız bir komanda - "Şahdağ Qusar" iki dəfə "üçlük"də yer alıb.
Əvvəlki iki mövsümdə mükafat qazanan 5 komandanın hamısı cari çempionatda 1-ci Liqada mübarizə aparır.
