"Qarabağ" Avstriyada "Tvente"yə həm qalib gəldi, həm də uduzdu
Avstriyada təlim-məşq toplanışını davam etdirən "Qarabağ" klubu növbəti yoxlama oyunlarına çıxıb.
"Mediasport" xəbər verir ki, Ağdam təmsilçisi iki dəfə Niderlandın "Tvente" kollektivi ilə qarşılaşıb.
İlk görüş komandamızın 3:2 hesablı qələbəsi ilə yekunlaşıb. "Qarabağ"ın qollarını Abdullah Zubir (2) və Leandro Andrade vurublar.
Qurban Qurbanovun komandası ikinci dueldə isə məğlub olub. Təmsilçimizin heyətində Abbas Hüseynov fərqlənib - 1:2.
Xatırladaq ki, "köhlən atlar" Avstriya toplanışı çərçivəsində baş tutan ilk oyunda Ukraynanın "Metallist 1925" (Xarkov) komandasına məğlub olublar (4:5).
